Dinyaya Rojîne ya ecêb û rengine de her çî mumkin o, heme çîyê ke şima zanê serûbin beno, daraxê keyfî fireno!
Macerayê Rojîne yê sey hewnan do her kesî şaş bikerê û bibeşirnê.
Ma na reye benê şahidê mêşê ciwanî Lloydî ke xîret keno ke dinyaya kêzikan de weş bimano û gird bibo.
Lloydê bitaluke û bimeraq, embazanê xo Abacus û PB reyde, her roj keweno mîyanê serebûtêko newe.
No xêzefîlmê pirê huyayîş û keyf û macera, temaşekerdoxan beno dinyayêka bi girdîya kêzikan.
Şima seba macerayanê kutiko şîrin Duggee û embazanê ey yê hurdîyan hedre yê?
Ma do Klubê Ecêbekan de, her beşî de çalakîyêka newa kişf bikerê û keyfêko pîl bikerê.
Na dinyaya rengine de ke bi xebata tîmî, embazîye û xeyalan pir a te de her game suprîzêk est o.
Ka bêrê ma pîya na dinya kişf bikerê û xelatanê bêemsalan yê Duggee bi dest bifînê!
Ma têwrê dinyaya şayî û rengan bibê? Blokê renginî, berê macerayanê fantastîk akenê!
Qehremanê ma, her beşî de kayê weşan kay kenê, bi blokan dans kenê û projeyanê afirnayayan virazenê.
Na dinya de ke rengî dans kenê, xeyalanê xo serbest veradê û keyfêko pîl bikerê!
Şima hedre yê? Seba ke tîya de her çî rengin o, her çî bikeyf o!
Mîlçikê Hêrsokî ê estanikan ra yew a ke tarîxî de ci ra tewr vêşî ameyo heskerdene.
Na estanike na reye bi heme karakteranê xo û macerayanê sey xêzefîlmêk hemverê ma de ya!
Qehremanê ma yê mîlçikî hemverê Piggyan de xo ver danê ke înan demêko derg hukmê na dinyaya pirê surprîz kerdê.
Bêrê ma pîya temaşe bikerê!
Şima hedre yê ke kutikêkî bişinasnê ke gama xo erzeno dinyaya kitaban?
“Kutikî Kitaban ra Hes Kenê”, estanika kutikêko şîrin vana ke o kitaban ra zaf hes keno û her rîpelî de dest bi macerayêka newa keno!
Nê xêzefîlmê weşî de qehremanê ma, dikanêko akeno ke pirê kitabê weş ê û mîyanê her kitabî de dest bi raywanîyêka biheyecan keno.
O ge-ge beno kaşifêko cesûr ge-ge zî beno astronotêko xorînîya feza.
Bi Jojo û Dapîre seba macerayan hedre bê! Jojo her tim bi meraq û heyecan a û bi Dapîra xo reyde vejîyena kifşkerdişî!
Pîya kayan kay kenê û çîyanê neweyan musenê. Her beşê nê xêzefîlmî de estanikêka weşe û embazîyêka zerrî ra est a.
Na dinyaya rengine de ke bi zanayîşê Dapîre û xeyalanê Jojo pir a, her roje macerayêka newa paweyê şima ya! Hedre bê, keyf û şayî berî vero yê!
Kewelokê ke her kes înan ra hes keno, bi macerayanê neweyan û bi keyf û şayîya xo reyna agêrenê! Şima hedre yê ke agêrê Dewa Kewelokan? Nê sezonî de Bawkewelok, Kewelokê, Keweloko Sakar û heme karakterê bînî, her beşî de bi macerayanê efsûnîyan û komîkan do bêrê hemverê ma.
Sewbîna zî planê Gargamelî êndî hîna pulek ê û Kewelokî verî ra jêhatîyêr ê! Sezonê neweyî de cayê nimitayî û demê bêemsalî paweyê ma yê ke erjê kifşkerdişî yê. Hedre bê, şima do dinyaya Kewelokan ya efsûnî de vindî bibê!
Şima bi xeyr ameyê Kuçeyê Kuncî; tîya de kuklayî, derheqê cuye de çîyanê ecîban banderê ma kenê!
Tîya, kuçeyêko winasino ke cinawirêko super-qehreman, perîyêka bimeraqe ya hîrê serra û cinawirêko werdî ra hes keno resenê yewbînan seba ke banderkerdişî ma rê weş bikê.
Seba huyayîşî, dersî, biney henek û deyîranê bi çoşan hedre bibê!
Kêneka swîsreyije Haydî, cuye serê koyan ra hes kena û ca de embazan vînena.
Lajekêko bi nameye Pîtir est o ke her roj şono vere pesê bizan. Pîtir, Dapîra xo hetî de maneno, keyeyê înan koyî ra biney cêr o la dewe ra zaf dûrî nîyo.
Serdayîşê Dapîra Pîtirî û Pîtir reyde kaykerdiş Haydî keyfweş keno.
Haydî, sembola raştîye û holî ya. Hîkatêka bi çoş û pirî macera ya!
Xêzefîlmêkê newe yê panc cinawiranê şenik û bi meraqan o ke wexto ke kes çin bo, bi keyfêko pîl meydanê kaya yê gedeyan kifş kene.
Pembe, Kewe, Porteqalî, Zerd û Kesk her beşî de derûdorê xo kifş kene û bi saya kayan, xo,embazanê xo û dinyayê şinasnenê.
Babeta her beşî, derheqê cuya ê gedeyana ke newe rayîr şonê; wazenê embaztîye, empatîyî û xebata pêro pîya bander bibê û cîyayîyanê yewbînan fehm bikê.
Hargûşê Wêrekî; Xo hedre bikerê;
şima do Hargûşanê tewr Wêrekan ê Welatê-Hargûşan bişinasnê!
Nê maceraperestî bi pirç û bê tersan;
bi lezûbez û bi wêrekîya qehremanan têgêrenê!
Her serê sibayê roj akeweno û Teletabîyê ma wirzenê.
Tinky Winky, Dipsy, Laa-Laa û Po her serê sibayî silam danê.
Ma do her serê sibayî Zarok TV de teletabîyan reyde dans bikerê.
Caillou bi rayberîya ma û pîyê xo derûdorê xo ra ewnîyeno, kifş keno û mûseno.
Caillou bi embazanê xo hîs keno, xeyal keno, awan keno.
Caillou serê ekranê Zarok TV de serebûtanê xo pare keno.
Doktor Bînoks bi xo durbin o, “nêzdî keno-dûr keno” û her roj babetek ser de xebitîyeno.
Bi zanayîşan û coşê xo, hêşê gedeyan şên keno.
Doktor Bînoks: Tena seba gedeyan nê, seba pîlan zî!
Eya Morfê ma şenik o, la serebûtê ey xişn ê.
Û helbet tena nîyo,
Morf, bi şinasî û dostê xo, têyê keyeyê Zarok Tvyî benê.
Kewê, Wisar, Xoser û Pişo…
Ê do her hefte seba macerayêka newe, raywanîye bikerê.
Deşt û koyan de, dewe û şaristananê tarîxî de ma do pîya bigeyrê.
Şima eşkenê kanalê ma yê YouTubeî ser o temaşe bikerê!
Masha bi nêrehetîyanê xo fek Heşoyî ra nêverdana.
Heşo zî seba ke Masha ra zaf hes keno, seba aye keyfweş bikero heme çîyî keno.
Şima eşkenê daşinasnayîşê Masha û Heşo tîya de temaşe bikerê!
Digbyo ciwan ejdehayêk o. O û embazê xo seba serebûdan daristanê neweyî keşf kenê, her gama ke rastê porobleman yenê hetkarîya yewbînan kenê.
Ejdeha, ferîte û cinêk.
Û sewbîna simoreyêk est o.
Ê embaz û dostê daristanî seba ke çîyanê neweyan keşf bikerê bêsebir ê.
Şima eşkenê daşinasnayîşê Digbyo Ejderha tîya de temaşe bikerê.