Bernîe xorteko şên o. O miqayîtê Corneilo kutikî beno ke taybetîyê xo estê. Corneil rasta zî eşkeno çend ziwanan qisey bikero, bilez biwano û bi lez hesaban bikero.
Peyê cû o birre dano ci ke nê huneranê xo kesî ra mevajo, memusno kesî ke mebê mekerê kutikê laboratuaran. Demo ke wayîrê ey, Bernîe sey kutikvanî gêno kar, cuya Corneilî zî bena têser û têbin ra. Çunke Bernîe sirranê Corneilî museno. Peyê cû ê benê di dost û yarî û qet bê yewbînî nêvindenê, yewbîn ra nêvisîyenê. Do şima zî înan ra mevisîyê! Şima eşkenê daşinasnayîşê Corneil û Bernie tîya de temaşe bikerê.
Eke ti 8 serrî bê, he roja to bena serebûtek! Serebûtê Cedric û keyeyê ey. O zerrîya pêro domanan de yew qehremano komîk û zerrîtenik o. Mabênê mamosta û keyeyê xo yê merqdarî, embazanê xo yê zorbazan, detkênaya xo ya xirabe û waştîya xo ya cirneweşe de domanbîyayîş zaf çîyeko zor o. Cedric bi zor bo zî tim xo gêno ra û sakîn vindeno, çîyo baş kalikê xo tim piştî dano ey. Şima eşkenê daşinasnayîşê Cédric tîya de temaşe bikerê.
Pucko lulik kewto destê hêzanê xiraban û qehremanê ma yo Murphy wazeno ey bixelisno. La no kar hende zî asan nîyo çunke Jacko seydwan xeylê zor dano Murphyî.
Hela ma biewne kam do serbikewo? Şima eşkenê daşinasnayîşê Bugged tîya de temaşe bikerê.
Sereyê Billyo şên û kelevitî û kutikê ey her tim bela de yo! Billy û Buddy zaf cantezik ê û tim kelevit ê.
Ma kam zano ke serebûtê înan do înan berê biresnê kotî? Şima eşkenê daşinasnayîşê Billy&Buddy tîya de temaşe bikerê.
No program 26 beşan ra vîrazîyeno, gedeyan dinyaya rastikên ra beno dinyaya fantastîke.
Macerayê heşt beqan, daristanê bisehr de yenê vatene ke bi no hewa wazenê sînorê xeyalanê gedeyan hîra bikerê.
Şima eşkenê daşinasnayîşê Beqê Şopgerî tîya de temaşe bikerê.
Estanikê zana yê koyî û yabanî. Lucy yew kênaya qijkek a û cîrana Baxçeyê Heywanan a. Her şewe Lucy şona leyê heywananê ke kewtê dore ke aye rê serebûtanê xo qisey bikerê. Gelo şima amade yê ke her beşî de yew heywanê şênî nas bikerê?
Şima eşkenê daşinasnayîşê Baxçeyê Heywanan tîya de temaşe bikerê.
Ê heroj yew hak kenê û bi naye qesabekê çimsûrî ra xo xelesnenê. Zînoyo dîko ke bêxem o la gonîşîrin o, bi deyîra xo ya “Push Lay” piştî dano bi çar kerganê xo ke hak bikerê. Pollya Çimsûre ya ke wayîra keyeyî ya, gef ro înan wanena ke eke hakan demê ci de mekerê a do înan bida yew qesebî yo ke cîranê aye yo. La serebûtê ke bi waştişê înan qewemînê nêverdanê ke nê kergê ke tim reqesîyenê û hakan kenê, bi rehetî karê xo bikerê. Şima eşkenê daşinasnayîşê Şaristanokê Kergan tîya de temaşe bikerê.
Awe, Herre, Adir û Hewa. Teyna avatar eşkayêne zorê nê her çar elementan/gewheran bero û nêverdo şarê adirî yo çimsûr dinga bindest bikerê. La çi heyf o ke o zî demo ke dinya tewr zaf hewceyê ey bî, werte ra vîndî bi. Wexto ke êdî kesî bawer nêkerdêne peynîya na wêranî yena, gedeyêko ecêb o ke nameyê xo aang o hêvîyê înan newe ra coş û gêş kerdê. Kataraya hewabaze û birayê ey sokkayî gedeyo ecêb mîyanê cemedêko pîl de dîbi. Katara û birayê xo zî qebîlaya awe ya ke qutuba başûrî de xoverdayîşê mendiş û nêmendişî dayêne. Nika hetê aangî kenê û pawenê ke wezîfeya xo bîyaro herind dinya û her kesî bixelisno. Nika no lajeko ke hindî çîyan keno teyna diwês serrî yo? Şima eşkenê daşinasnayîşê Avatar tîya de temaşe bikerê.
Şima amade yê ma çimêk bierze galaksîyan? Koma tewr başe ya galaksîyî; Comet, Halley, Spûtnîk, Radar, Jet û Sal.. Ê wazenê çîyanê neweyan bimusnê ma! Embaztîya înan rasta zî bêemsal a, la ê her yew yewbînî ra cîya yê. Ê tim xeletîyan kenê la çirey çîyêk ra fek ranêverdenê. Astroblastî cîyayîyan ra hes kenê. Embazê ma her beşe de bi embazanê neweyan benê şinasî û fam kenê ke pîya xebitîyayîş her çîyî hîna keno weş û rindek. Şima eşkenê daşinasnayîşê Astroblast tîya de temaşe bikerê.
Flapjack domanêde gonîgerm o û hetê yew hûte ya ke qisey kena ra yeno pîl kerdene. Pey cû Kaptan Kevzeyî nas keno û cuya ey de teşqele û serebûdî kêmî nêbenê. Kaptan Kevze her roj ci rê qalê serebûd û macerayanê serê deryayanê bêser û bêpeynîye keno. Flapjack, Kaptan Kevze û Bubbîye reyde keweno zereyê serebûd û macerayan. Seba ke pêro şekiran biwerê, girawa Şekirî ra gêrenê. La no mabên de Lîmanê Firtone de xeylî çi yî yenê înan ser.
Şima eşkenê daşinasnayîşê Flapjack tîya de temaşe bikerê.
Şima xêr ameyî Lîseya Elmore! Hela bêrê ma Gumball, Darwîn û pêroyê keyeyê Wattersonî het de keyf bikîme xo rê. Nameyê qehremanê ma Gumball o; Darwîne embaza ey a zaf nêzdîye ya û o û waya ey Anaîse ya zîreke her tim dima Darwîne yê, la bê bivîne ke Gumball seba ke pêşkarê înan bibo çi dest ra yeno texsîr nêkeno. Xora Elmore de teşqele nêqedîno û her kes dest ra çi bêro texsîr nêkeno û benê belayê yewbînan. Maya Gumballî Nîcole xebatkar a û pîyê ci Rîchard Watterson zî aye ra pîçêk kêmî xebatkar o û bi hawayo ecêb û matmende Gumballî de ewnîyenê û înan dest ra çiyêk nêno. Şima eşkenê daşinasnayîşê Gumball tîya de temaşe bikerê.
Shauno Kavir çewlîgê xo de paweyê ma yo… Shaun kavirêko zaf baqil o, embazanê xo reyde çewlîgêko qijkekî de cuwîyeno.
Ma her beşe de vînenê ke Shaun wazeno cuya xo û embazanê xo hîna bikeyf û bicoş bikero. Welhasil embazenê, çewlîgê Shaunî de keyf û teşqele kêm nêbenê!
Şima eşkenê daşinasnayîşê Shauno Kavir tîya de temaşe bikerê.
Tîmmy û embazê xo pîya xebitîyenê û yew bi yew astengan ra vîyarenê. Pêroyê fîlmî de ma fehm kenê ke Tîmmy û embazê xo parkerdene, embazîye û şaşîyanê xo musenê. Tîmmy û embazê xo pîya bi beşanê neweyan ma reyde yê!
Şima eşkenê daşinasnayîşê Bi Tîmmy Reyde Wextê Musayîşî tîya de temaşe bikerê.
Estanekê klasîkî bi hewayêko newe û afirîner newe ra vajîyenê. Hîssanê meraq û şaşwazîye xo mîyan de danê hîskerdene. De haydê, ma pîya bidê estanekan dima!
Şima eşkenê daşinasnayîşê Estanekê Di Deqeyî tîya de temaşe bikerê.
Dato Kalik û embazê ey tîya de yê, seba ke şima mirdîya xo keyf bikerê. Dato Kalik hem datê hem zî kalikê heme dinya yo. O xo rê gêreno û hetkarîya gedeyan keno û bi no hewa heta hetayî cuya înan bedilîyena. Macareyanê ecêb weşan yê na kome temaşe bikere, bi Birêz Gus, Pîzza Steve, pilingê Firok ê rastên ê Hute û çenteyê maneyî ra virazîyena.
Şima eşkenê daşinasnayîşê Dato Kalik tîya de temaşe bikerê.
Brendeya erjeya…
Heta ke şima vajê meraqdar û cigêrayox a…
Heme çîyê ke musaya, wazena ma reyde par bikera.
De ka ma pîya biewnê hela çi musaya?
Şima eşkenê daşinasnayîşê Brendaya Jîre tîya de temaşe bikerê.
Nameyê qehremanê ma Adam (Edim) Şêr o û 12 serre yo. Nika ecêbê ser ecêban, nameyê qehremanê ma formeke de, bi şaşîye sey ‘Şêr’ yeno nuştene, coka qeydê ey baxçeyê heywanan de nusenê.
Û ser de zaf nêvîreno, o û Jakeo (Jeko) Meymûn benê embazê yewbinî û sereyê înan dekeweno xax û paxanê giran. Na fîlma ecêb weşe de, xeylî karekterê ecêb û şên estê ke dibistanê edetî de û baxçeyê heywanan de qetîye peyda nêbenê.
Şima eşkenê daşinasnayîşê Embazê Mi Meymûn tîya de temaşe bikerê.
Eke dinya gilover a, o wext ma senî eşkenê lingan ser de vinderê? Mîyanê di deqeyan de ma eşkenê derheqê kaînatî de zaf çîyan bimusê. No firsendêko zaf baş o. De haydê!
Şima eşkenê daşinasnayîşê Fîksyonê Zanistî tîya de temaşe bikerê.
Matematîk, qetîye hende bi keyf nêbîbi.. Hûmarî, hende zî tersnok nîyê.. Haydê, ma pîya hûmaran bimusê.
Şima eşkenê daşinasnayîşê Hûmarblokî tîya de temaşe bikerê.
Mûnkî û Trûnk pîya weşîya daristanêko tede ciwîyenê keşf kenê.. Heme çîyî pîya kenê û zaf kefyweş benê. Na raywanîye de ma zî eşkenê embazîya înan bikerê.
Şima eşkenê daşinasnayîşê Mûnkî û Trûnk tîya de temaşe bikerê.