Li dinyaya ecêb û rengîn ya Rojînê her tişt mimkin e.
Hemû tiştên ku hûn dizanin serûbin dibin, asta kêfê hildifire!
Serpêhatîyên Rojînê yên wekî xewnan dê her kesî bibehitînin û bikenînin.
Hûn dikarin beşên ku hatine weşandin li ser kanala me ya Youtubeê temaşe bikin!
Em vê carê dibin şahidê mêşê ciwan Lloydê ku hewl dide ku di cîhana kêzikan da sax bimîne û mezin bibe.
Lloydê xisarok û bimeraq, bi hevalên xwe Abacus û PB ra, her roj dikeve nava bûyereka nû.
Ev xêzefîlmê mişt ken û kêf û serpêhatî, temaşevanan dibe cîhaneka bi mezinîya kêzikan.
Hûn ji bo serpêhatîyên kûçikê şîrîn Duggee û hevalên wî yên biçûk amade ne?
Em dê li Kluba Simoreyan, her beşê çalakîyeka nû kifş bikin û kêfeka mezin bikin! Ev cîhana rengîn ku tijî xebata bi tîmî, hevaltî û xeyelan e her gav tijî surprîz e.
Ka werin em bi hev ra vê cîhanê kifş bikin û xelatên newaze yên Dugge bi dest bixin!
Em tev li cîhana şahî û rengan bibin? Blokên rengîn, Derîyê serpêhatîyên fantastîk vedikin!
Lehengên me, her beş bi lîstikên xweş dilîzin, bi blokan ra dansê dikin û projeyên afirîner çêdikin. Li vê cîhana ku reng dansê dikin, xeyalên xwe serbest bihêlin û kêfeka mezin bikin!
Hûn amade ne? Ji ber ku li vê derê her tişt rengîn e, her tişt bikêf e!
Yek ji lîstikên ku di dîrokê da herî zêde jê hatîye hezkirin “Balindeyên Hêrsok”, vê carê bi hemû karakterên xwe û serpêhatîyên xwe bi xêzefîlmî di televîzyona me da tê pêşberî we!
Lehengên me yên balinde, li dijî Piggyyên ku demeka dirêj hikum li vê cîhana tijî surprîz dikin, têkoşîna xwe dikin.
Werin em bi hev ra temaşe bikin!
Şînokên ku her kes ji wan hez dike, bi serpêhatîyên nû û kêf û şahîya xwe vedigerin! Hûn amade ne ku vegerin Gundê Şînokan? Vê sezonê Bavşînok, Şînokê, Şînokê Xisarok û hemû karakterên dîtir, di her beşê da bi serpêahatîyên efsûnî û komîk dê werin pêşberî me.
Herweha, planên Gargamelî êdî konetir in û şînok êdî ji berê jîrtir in! Di sezona nû da cihên razbar yên hêjayî kifşkirinê û kêlîyên bêhempa li benda me ne. Amade bin, hûn dê di cîhana şînokan ya bisêr da winda bibin!
Hûn amade ne ku segekî nas bikin ku gava xwe diavêje nava cîhana pirtûkan?
“Seg ji Pirtûkan Hez Dike”, çîroka segekê şîrîn dibêje ku pir ji pirtûkan û kifşkirinê hez dike û di her rûpelî da dest bi serpêhatîyeka nû dike!
Di vî xêzefîlmê xweş da lehengê me, dikanekê vedike ku tijî pirtûkên xweş in û di nava her pirtûkê da dest bi rêwîtîyeka biheyecan dike.
Ew, carinan kaşifekê wêrek carinan astronotekê kûrahîya fezayê ye!
Bi Jojo & Dapîrê ra, ji bo serpêhatîyan amade bin! Jojo her dem bi meraq û heyecan e û bi Dapîra xwe ra derdikeve kifşê!
Bi hev ra bi lîstikan dilîzin û tiştên nû hîn dibin. Di her beşa vî xêzefîlmî da çîrokeka xweş û dostanîyeka jidil heye.
Li vê cîhana rengîn ku tijî zanatîya Dapîrê û xeyalên Jojo ye, her roj macerayeka nû li hêvîya we ye! Amade bin, kêf û şahî li ber derî ye!
Hûn bi xêr hatin Kuçeya Kuncî; li vir, kûkla, di derbarê jîyanê de gelek tiştên balkêş hînî me dikin!
Vir, kuçeyeke wisa ye ku cinawirekî super-leheng, perîyeke bimeraq a sê salî û cinawirekî ji kulîçeyan hez dike digihîjin hev da ku hînbûnê bi me xweştir bikin.
Ji bo ken, dersan, tibabek henek û stranên bicoş amade bin!
Keçika swîsrî Heidi ji jîyana li serê çîyê hez dike û yekser hevalan çê dike.
Xortekî bi navê Peter heye ku her roj diçe ber kerîyê bizinan. Peter li cem Dapîra xwe dimîne, mala wan hinekî li jêra çîyê ye lê ne zêde dûrî gund e.
Kêfa Heidi’yê tê ku serdana Dapîra Peter bike û bi Peter re bilîze. Heidi, sembola rastî û qencîyê ye.
Çîrokeke bicoş e û tijî serpêhatî ye!
Xêzefîlmekî nû yê pênc aferîdeyên biçûk û bimeraq e ku gava kes tune be bi kêfeke mezin meydana lîstikê ya zarokekî kifş dikin.
Pembe, Şîn, Porteqalî, Zer û Kesk her beşê derdora xwe kifş dikin û bi saya lîstikan xwe, hevalên xwe û cîhana derdora nas dikin.
Mijara her beşekê li ser alîyekî jîyana wan zarokan e ku nû dest bi meşê dikin;
dixwazin hevaltîyê, empatîyê û xebata bi hev re fêr bibin û cudatîyên hev fam bikin.
Xwe amade bikin, hûn dê kîvroşkên herî wêrek ên Welatê-Kîvroşkan nas bikin!
Ev serpêhatîperestên bipirç û bêtirs; bilezûbez û bi wêrekîya lehengan tevdigerin!
Serê her sibehê Roj hiltê û Teletabîyên me şîyar dibin.
Tinky Winky, Dipsy, Laa-Laa û Po her sibeh silavê didin me.
Em dê her sibeh di Zarok TV’yê de bi teletabîyan re dansê bikin.
Caillou bi rêberîya dê û bavê xwe li derdora xwe dinêre, keşf dike û fêr dibe.
Caillou bi hevalên xwe re hest dike, xeyal dike û saz dike.
Caillou li ser ekranên Zarok TV’yê serborîyên xwe par ve dike.
Doktor Bînoks, bixwe dûrbîn e, nêz dike-dûr dike û rojê li mijarekê hûr dibe.
Bi zanyarî û coşa xwe, hişê zarokan şên dike.
Doktor Bînoks: ne tenê ji bo zarokan, herwiha ji bo mezinan!
Erê Morfê me biçûk e lê serborîya wî mezin e.
Û bêguman ne bi tenê ye,
Morf û nas û dostên xwe, tev li malbata Zarok TV’yê dibin.
Kewê, Wisar, Xoser, Pişo…
Ew dê her hefte ji bo macerayeke nû rêwîtîyê bikin.
Li deşt û çîyayan, li gund û bajarên dîrokî em dê bi hev re bigerin.
Hûn dikarin beşên ku hatine weşandin li ser kanala me ya Youtubeê temaşe bikin!
Zarok TV – Pergala Rojê
Hûn dikarin beşên ku hatine weşandin li ser kanala me ya Youtubeê temaşe bikin!
Digbyê ciwan ejdehayek e, ew û hevalên xwe ji bo serpêhatiyan daristaneke nû kifş dikin.
Her gava ku li aloziyekê rast tên alîkariya hev dikin. Ejdeha, ferîte û cinek.
Û wekî din simoreyek heye. Ev heval û hogirên daristanê, ji bo ku tiştên nû kifş bikin bêsebir in.
Hûn dikarin danasînê li vir temaşe bikin!
Haydê li Drakarê siwar bibin û li deryayên ji serpêhatiyên endamên Vîkîngan pêk tên babirkên xwe vekin.
Him li gundê Flake, him li dûr û him jî li bejahiyên Vicê biçûk me digerîne.
Kurê şefê Vîkîngan Vicê biçûk, her gavê li deryayê bi bavê xwe û hevalên wî re digere. Lê gelek caran bûyerên xeternak derdikevin hemberî wan.
Ew dixwazin bi hêza xwe ya xurt ji bûyeran rizgar bibin. Danasînê temaşe bike.