Di embazê mirdîya xo şênî.
Nêeşkenê cayê xo de vinderê. Her çî seba înan kay o. Cewabê înan her game hedre yê û ê xeylêkî şîrin ê.
Şor û Şeng mîzahî, kulturî û dinya goreyê perspektîfê xo reyna şirove kenê.
Şima eşkenê beşî ke ameyê weşaneyene, kanalê ma yê YouTubeî ser o temaşe bikerê!
Ka bêrê ekranî ver! Ajansê Gedeyan bi taybetî seba gedeyan ameyo hedrekerdiş û serebûtan bi hawayêko bikeyf pêşkêş keno.
No program seba ê kesan ameyo hedrekerdene ke wazenê çîyanê neweyan bimusê. Ajansê Gedeyan, bi muhtewayêka bikeyf hemverê şima de yo!
Muxabirê ma do her beşî de şima bidê huyayîş û şaş bikerê!
Şima eşkenê beşî ke ameyê weşaneyene, kanalê ma yê YouTubeî ser o temaşe bikerê!
Zembîlane, Dîwarbazî, Twister, Xelekbazî..
Ma do pîya kayanê gelekî bi coş kay bikerê.
Pîya deyîranê zaf weşan vajê.
Çerx seba Kêf Kêfa Min e (S4) tadîyeno!
Şima eşkenê beşî ke ameyê weşaneyene, kanalê ma yê YouTubeî ser o temaşe bikerê!
Ma eşkenê her çîyî bikerê.
Ma bi kaykilan kay kene, govende gênê, heywanan ra hes kenê.
Ge ge zexelîyanê hurdîyan kenê. Vîdeoyê ma yê şîrînî, bi saya “bikişîne bişine” yenê ser ekranê.
Şima eşkenê beşî ke ameyê weşaneyene, kanalê ma yê YouTubeî ser o temaşe bikerê!
Ma bi desan embazanê xo reyde cewabê zaf persan gêrayê.
De ma pêro pîya bipersê û cewab bidê!
Ma vera xo bidê, hela ma cewabê raştî dîyê. Beno ke dore bêra şima zî!
Şima eşkenê beşî ke ameyê weşaneyene, kanalê ma yê YouTubeî ser o temaşe bikerê!
Dinyaya Rojîne ya ecêb û rengine de her çî mumkin o, heme çîyê ke şima zanê serûbin beno, daraxê keyfî fireno!
Macerayê Rojîne yê sey hewnan do her kesî şaş bikerê û bibeşirnê.
Ma na reye benê şahidê mêşê ciwanî Lloydî ke xîret keno ke dinyaya kêzikan de weş bimano û gird bibo.
Lloydê bitaluke û bimeraq, embazanê xo Abacus û PB reyde, her roj keweno mîyanê serebûtêko newe.
No xêzefîlmê pirê huyayîş û keyf û macera, temaşekerdoxan beno dinyayêka bi girdîya kêzikan.
Şima seba macerayanê kutiko şîrin Duggee û embazanê ey yê hurdîyan hedre yê?
Ma do Klubê Ecêbekan de, her beşî de çalakîyêka newa kişf bikerê û keyfêko pîl bikerê.
Na dinyaya rengine de ke bi xebata tîmî, embazîye û xeyalan pir a te de her game suprîzêk est o.
Ka bêrê ma pîya na dinya kişf bikerê û xelatanê bêemsalan yê Duggee bi dest bifînê!
Ma têwrê dinyaya şayî û rengan bibê? Blokê renginî, berê macerayanê fantastîk akenê!
Qehremanê ma, her beşî de kayê weşan kay kenê, bi blokan dans kenê û projeyanê afirnayayan virazenê.
Na dinya de ke rengî dans kenê, xeyalanê xo serbest veradê û keyfêko pîl bikerê!
Şima hedre yê? Seba ke tîya de her çî rengin o, her çî bikeyf o!
Mîlçikê Hêrsokî ê estanikan ra yew a ke tarîxî de ci ra tewr vêşî ameyo heskerdene.
Na estanike na reye bi heme karakteranê xo û macerayanê sey xêzefîlmêk hemverê ma de ya!
Qehremanê ma yê mîlçikî hemverê Piggyan de xo ver danê ke înan demêko derg hukmê na dinyaya pirê surprîz kerdê.
Bêrê ma pîya temaşe bikerê!
Şima hedre yê ke kutikêkî bişinasnê ke gama xo erzeno dinyaya kitaban?
“Kutikî Kitaban ra Hes Kenê”, estanika kutikêko şîrin vana ke o kitaban ra zaf hes keno û her rîpelî de dest bi macerayêka newa keno!
Nê xêzefîlmê weşî de qehremanê ma, dikanêko akeno ke pirê kitabê weş ê û mîyanê her kitabî de dest bi raywanîyêka biheyecan keno.
O ge-ge beno kaşifêko cesûr ge-ge zî beno astronotêko xorînîya feza.
Gracea şofor a ke dinya de yena şinasnayîş, seba temaşekerdoxanê verdibistane xeylê makînayanê tewr girdan, tewr bihêzan û tewr bêemsalan hem dana şinasnayîş hem zî palkursîyanê her yewî ser o ronişena.
Her beşî de ramitişêko zaf biheyecan û bimacera est o, bêrê ma pîya temaşe bikerê!
Keytîya enerjîk, her beşî de makînayêka bêemsale ma rê dana şinasnayîş û kifşan kena.
Na raywanîye de pirê makînayî est ê, Keytî û embazê aye heyecanê muhendisîye û afirnayîşî cuwîyenê! Her tecrube, seba musayîşî yeno wateyê firsendêko newe û xeylê huyayîş.
De bêrê, ma bi makînayê Keytîye yê bêemsalî raywanîyêka bikeyf bikerê!
Bi Jojo û Dapîre seba macerayan hedre bê! Jojo her tim bi meraq û heyecan a û bi Dapîra xo reyde vejîyena kifşkerdişî!
Pîya kayan kay kenê û çîyanê neweyan musenê. Her beşê nê xêzefîlmî de estanikêka weşe û embazîyêka zerrî ra est a.
Na dinyaya rengine de ke bi zanayîşê Dapîre û xeyalanê Jojo pir a, her roje macerayêka newa paweyê şima ya! Hedre bê, keyf û şayî berî vero yê!
Kewelokê ke her kes înan ra hes keno, bi macerayanê neweyan û bi keyf û şayîya xo reyna agêrenê! Şima hedre yê ke agêrê Dewa Kewelokan? Nê sezonî de Bawkewelok, Kewelokê, Keweloko Sakar û heme karakterê bînî, her beşî de bi macerayanê efsûnîyan û komîkan do bêrê hemverê ma.
Sewbîna zî planê Gargamelî êndî hîna pulek ê û Kewelokî verî ra jêhatîyêr ê! Sezonê neweyî de cayê nimitayî û demê bêemsalî paweyê ma yê ke erjê kifşkerdişî yê. Hedre bê, şima do dinyaya Kewelokan ya efsûnî de vindî bibê!
Embazêne;
Şima hedre yê ke suke bi suke, dewe bi dewe, kuçe bi kuçe bigêrê û kayanê neweyan bander bibê?
Gulokî yenoo!
Ma do Gulokî reyde çimbeste, bi xaran û gane kay bikerê. Ma do hem kay bikerê hem zî bander bibê. Gulokî dest pê kenooo..
Şima eşkenê beşî ke ameyê weşaneyene, kanalê ma yê YouTubeî ser o temaşe bikerê!
Zanyar û Sêrbaz, her beşî de vera xo dane ceribnayîşanê pirr-zanistî û macerayanê neweyan.
Eke şima meraqkenêke zanist çi yo û çiyî “Senî virazîyayî”,
no pirogram pirogramê şima yooo!
Şima eşkenê beşî ke ameyê weşaneyene, kanalê ma yê YouTubeî ser o temaşe bikerê!
Şima bi xeyr ameyê Kuçeyê Kuncî; tîya de kuklayî, derheqê cuye de çîyanê ecîban banderê ma kenê!
Tîya, kuçeyêko winasino ke cinawirêko super-qehreman, perîyêka bimeraqe ya hîrê serra û cinawirêko werdî ra hes keno resenê yewbînan seba ke banderkerdişî ma rê weş bikê.
Seba huyayîşî, dersî, biney henek û deyîranê bi çoşan hedre bibê!
Kêneka swîsreyije Haydî, cuye serê koyan ra hes kena û ca de embazan vînena.
Lajekêko bi nameye Pîtir est o ke her roj şono vere pesê bizan. Pîtir, Dapîra xo hetî de maneno, keyeyê înan koyî ra biney cêr o la dewe ra zaf dûrî nîyo.
Serdayîşê Dapîra Pîtirî û Pîtir reyde kaykerdiş Haydî keyfweş keno.
Haydî, sembola raştîye û holî ya. Hîkatêka bi çoş û pirî macera ya!
Xêzefîlmêkê newe yê panc cinawiranê şenik û bi meraqan o ke wexto ke kes çin bo, bi keyfêko pîl meydanê kaya yê gedeyan kifş kene.
Pembe, Kewe, Porteqalî, Zerd û Kesk her beşî de derûdorê xo kifş kene û bi saya kayan, xo,embazanê xo û dinyayê şinasnenê.
Babeta her beşî, derheqê cuya ê gedeyana ke newe rayîr şonê; wazenê embaztîye, empatîyî û xebata pêro pîya bander bibê û cîyayîyanê yewbînan fehm bikê.