Kerem bikin hevalino; navdarên Kurdan û pêşengên çand, huner û wêjeya Kurdan nas bikin.
Hûn dê di vê bernameyê de bi navdarên xwe re hevnasîneka ji dil û germ pêk bînin.
De hevalino; pêşengên me li benda me ne. Ji me ra çend gotin û şîretên wan hene.
Hûn dikarin beşên ku hatine weşandin li ser vê lînkê temaşe bikin!
Aniha jî dor dora hînbûna zimanê me ye! Firaz û Şengê ji bo vê mazûvanîya me dikin.
Em dê li Mala Firaz û Şengê bilîzin, stranan bibêjin, kêfê bikin û bi hev ra zimanê xwe hîn bibin.
Zû werin! Hevalên me li benda me ne!
Hûn dikarin beşên ku hatine weşandin li ser vê lînkê temaşe bikin!
Me got: “Zarok TV ya me ye, Zarok TV mala me ye!”, nexwe divê deng û rengê me temaşevanan jî di vê malê da hebe, ne wisa?!
Û niha jîîî Dora Me ye!
Bernameya deng û rengê me, “Dora Te” îsal jî ji Zarok TVyê kêm nabe.
Hûn dikarin beşên ku hatine weşandin li ser vê lînkê temaşe bikin!
Hûn ji gerê hez dikin? Erêê çawa! Ma kî jê hez nake?! Hevalê me Jîyar rahiştîye kameraya Zarok TVyê û li welatî digere.
Li her derê çîrokek û macerayeka nû heye.
“Rojeka Jîyar” bi cih û warên curbicur bi me ra ye.
Hûn dikarin beşên ku hatine weşandin li ser vê lînkê temaşe bikin!
Ma bê lîstik dibe?! Naa, ew ne mimkin e!
Her wekî ku hûn jî dizanin ji bo lîstinê cihê herî xweş derveyê malê, kuçe û kolan in!
Bernameya “Lîstik û Kolan” di her beşekê da bi lîstikeka nû û newaze me derdixe kolanan. Jê nemînin!
Hûn dikarin beşên ku hatine weşandin li ser vê lînkê temaşe bikin!
Werin em li laboratiwarekê rêwîtîya zanistê bikin. Di vê rêwîtîyê da em ne bi tenê ne;
Du hevalên din bi me ra ne: Nokek û Fasûlîyek! Navê her duyan jî “YEK” e.
Ka em binêrin bê di vê laboratiwarê da çi li benda me û hevalên me ye.
Hûn dikarin beşên ku hatine weşandin li ser vê lînkê temaşe bikin!
Em dikişînin û dişînin, Zarok TV diweşîne!
Stranên me, henekên me, lîstikên me û peyamên me digihîjin dinyayê..
“Bikişîne Bişîne” bi formata xwe ya nû li benda vîdeoyên me ye.
Hûn dikarin beşên ku hatine weşandin li ser vê lînkê temaşe bikin!
Zimanê zirafeyan çend santîm e? Zebeşê herî giran çend kîlo ye? Li laşê mirovan da çend kîlo xwîn heye?
Di pêşbirka “Kî Dizane” da, pirsên ecêb û bersivên ji wan ecêbtir hene.
Em dê bersivan bidin, bikenin û agahîyên pir balkêş hîn bibin.
Hûn dikarin beşên ku hatine weşandin li ser vê lînkê temaşe bikin!
Binêrin! Navê vî hevalê me Waffle e.
Ew segekê meraqdar, şîrîn û enerjîk e.
Di her beşa vî rêzefîlmî da surprîzên nû, rewşên komîk û serpêhatîyên tijî ken li benda me ne.
Segê Newaze Waffle, tê pêşberî me!
Vaye Super Sema li pêşberî we ye!
Ew lehengeka super e ku xeyalên xwe pêk tîne û ji teknolojîyê gelekî hez dike.
Sema, hertim amade ye ku bi fikreka nû dinyayê biguhere.
Ka hûn jî amade ne?!
Martînê ku her roj vediguhere tişekê cuda, bi hevalên xwe Gromo û Roxane ra vê carê li bajarokê Songyînê ne!
Lehengê me dê li dijî cinawirê ku gefan li bajarok dixwe, têbikoşe û bi veguherînên surprîz bîneran bibehitîne.
Kêlîyên mişt dostanî, heyecan û serpêhatî; di sezona nû da li hêvîya we ne!
Qelem û kaxezan amade bikin! Êdî her kes dikare resiman xêz bike.
We got çawa?! Hevalê me Will hemû hûrgilîyên xêzkirinê dê nîşanî me bide.
Di vê bernameyê da bi xêzên hêsan resimên newaze çêdibin.
Werin hûn jî li gel Will xêz bikin!
Ew pisîkê tiral ku ruhê wî di lazanyayê da ye, lêbelê ruhê wî ji duşeman diçe;
Ango Garfield, vedigere!
Garfield, xwedîyê wî Jon û dostê wî yê şîrîn Odie, bi serpêhatîyên bikêf û bitam tên ser ekranên Zarok TVyê.
Derdê wî bi tenê xwarin e lê tiştên ku tên serê wî dê we pir bikenînin.
Hevaltî, lîstik, kêf û şahîya bêsînor…
Em dê bi Ella Bella û hevalên wê ra di her beşê da berê xwe bidin çîrokeka nû,
û bi hev ra parvekirin û dostanîyê hîn bibin.
Ella Bella Bîngo, dê bi beşên xwe yên mişt surprîz li ser ekranên me be.
Amade bin!
Crackê û çûçikên xwe, li ser ekranên Zarok TVyê cihê xwe digirin!
Di her beşekê da serpêhatîyeka nû…
Di van serpêhatîyan da aksîyon, lebat û tevger bi dawî nabe û hertim ken û şahî bi ser dikeve.
Dahênerê herî ecêb yê dinyayê Doktor Kontraptûs tê pêşberî we!
Doktorê me, her roj îcadên nû û pir balkêş çêdike.
Alîkarê wî yê xewar lê têra xwe şîrîn Basîl jî pêwîst e ku van îcadan biceribîne.
Di van serpêhatîyan da kêf û xisarokîyeka zêde li benda we ne.
Matematîkê ti caran kêfeka ewqasî mezin nedabû!
Em dê bi hevalên xwe yên cinawir ra hînî matematîkê bibin.
Bi her wezîfeya wan ya nû,
em dê jî hem kêfê bikin hem jî têkevin nava dinyaya matematîkê.
Bajarekî xeyal bikin ku her tiştê wî ji kaxezan hatîye çêkirin.
Li vê derê sînorê afirînerîyê tune ye!
Bibire, bipêçe, bi hev bizeliqîne û xeyalên xwe pêk bîne!
Li “Bajarê Kaxezî” her tişt pêkan e!
Du hevalên têra xwe şên. Nikarin li cihê xwe bisekinin. Her tişt ji bo wan lîstik e.
Bersivên wan her gav amade ne û ew gelekî şîrîn in.
Şor û Şeng mîzahê, çandê û cîhanê bi dîtina xwe ji nû ve şirove dikin.
Hûn dikarin beşên ku hatine weşandin li ser kanala me ya Youtubeê temaşe bikin!
Ka werin ber ekranê! Ajansa Zarokan bi taybetî ji bo zarokan hat amadekirin û bûyeran bi awayekê bikêf pêşkêş dike. Ev bername ji bo wan kesan hatîye amadekirin ku dixwazin tiştên nû hîn bibin.
Ajansa Zarokan, bi naverokeka mişt bikêf li pêşberî we ye! Nûçegihanên me dê di her beşê da we bikenînin û bibehitînin!
Hûn dikarin beşên ku hatine weşandin li ser kanala me ya Youtubeê temaşe bikin!